MANILA, Philippines – Malaki ang pakinabang ng migrant workers sa batas na magpapalawig sa sampung taon mula limang taong validity ng pasaporte na kanilang ginagamit sa pagtungo sa ibang bansa upang maghanapbuhay at maghanap ng mas magandang kinabukasan, ayon kay Sen. Cynthia A. Villar.
Bilang vice chairperson ng Committee on Foreign Relations, inisponsor at ipinagtanggol ni Villar ang naturang batas sa Senate floor.
Nakatakdang aprubahan sa darating na Lunes ng Senado sa third reading ang panukalang batas matapos itong sang-ayunan sa second reading noong nakaraang linggo.
Inaasahan ni Villar na wala itong mahabang debate sa bicameral conference committee dahil ang ipinasang bersyon ng House of Representatives noong Pebrero ay pareho ng bersyon ng Senado.
source: Pilipino Star Ngayon
Comments
